Алматыда жалпықалалық сенбілік өтеді

Алматыда 22 сәуірде алғаш рет Almaty Clean&Green жалпықалалық сенбілігі өтеді. Акция барысында 5 мыңға жуық ағаш отырғызу жоспарлануда. Алматы әкімдігі қатысушыларға қажетті құралдар (қолғап, қап, күрек, тырма), мен көшеттерді таратады. Сондай-ақ, ауыз су және тамақпен қамтамасыз етеді. 

Сенбілік кезінде мәдени іс-шаралар мен ойын-сауық бағдарламасы жоспарланған. Барлық қатысушылар үшін 15 минуттық таңертеңгілік жаттығу, йога және зумба биі ұйымдастырылды. Сенбілік соңында экологиялық тақырыптағы викторина өткізіліп, бағалы сыйлықтар ұтысқа түседі.

Сенбілік өтетін мекен-жайлар:

• Баум тоғайы (Түрксіб ауданы). Ұйымдастырушы - ECONETWORK қоғамдық қозғалысы. Мерекелік іс-шараға ҚР еңбек сіңірген қайраткері Мұрат Мұтұрғанов, ақын, философ, Қазақстан Жазушылар Одағының мүшесі Мұратхан Шоқан, «Музарт» тобының солисі Кенжебек Жанәбілов, әнші Қаракөз Сүлейменова қатысады. Сондай-ақ, сенбілік кезінде "Джулия" театрлық мюзиклінің актерлері "А-Студио" тобының әндерін орындайды. Көше өнерінің танымал суретшілерінен граффити жасау бойынша шеберлік сыныптары өтеді.
• "Желтоқсан-86" саябағы (Түрксіб ауданы). Ұйымдастырушы - "Posadiderevo.kz" ҮЕҰ. Мерекелік іс-шараға "Жігіттер" тобының солисі Ердос Қанаев, ҚР еңбек сіңірген әртісі Бақтияр Тайлақбаев, әнші Мөлдір Әуелбекова, Мақсат Базарбаев қатысады.
• Көкжиек ш/а, 32 үйдің жанында (Жетісу ауданы). Ұйымдастырушы - Қазақстан көгалдандырушылар қоғамдастығы. Мерекелік іс-шараға Қазақстанның еңбек сіңірген қайраткері Амантай Берғалиев, "Жігіттер" тобының солисі Бағлан Әбдірайымов, әнші Абай Бегей қатысады.
• Кіші Алматы өзені, «Алатау балалар санаторийі» аялдамасының арты (Медеу ауданы). Ұйымдастырушы - Спорттық туристер достастығы. Амбассадорлар: әнші Асхат Тарғын, әнші Нұрсұлтан Нұрбердиев, актер Бақыт Тушаев.

Аудан әкімдіктерінде де сенбілік өтеді.

Медеу ауданында:

• Алатау ш/а Ибрагимов көшесі бойымен (қала шекарасынан "Инновациялық технологиялар паркі" шекарасына дейін)
• Кіші Алматы өзенінің жағалауы ("AB" мейрамханасынан Митин көшесіне дейін)
• Думан-3 шағын ауданындағы тау бөктері.

Әуезов ауданында:

• Алтынсарин даңғылы Жандосов көшесінен Қабдолов көшесіне дейін;
• Момышұлы көшесі Шаляпиннен Райымбек даңғылына дейін;
  Жұбанов көшесі Момышұлынан Садовников көшесіне дейін;

 Алатау ауданында:

• Дарабоз ш/а, 45 ;
• Үлкен Алматы өзенінің жағалауы, Рысқұловтан Райымбек даңғылына дейін;
• Қарасу ш/а сквері, Қарасу көлі;

• Сайран көлінің шығыс жағалауы (кіру Төле би көшесі жағынан);
• Үлкен Алматы өзенінің жағалауы Төле биден Райымбек даңғылына дейін;
• "АЗТМ" сквері Төле би бойымен Жароков көшесінің бұрышына дейін;

 Бостандық ауданында:

• Гагарин бульвары, Абайдан Жандосов көшесіне дейін;
• әл-Фараби сквері Сырғабеков көшесінің бұрышы;
• Дружба саябағы Есентай өзенінің жағалауы әл-Фарабиден Тимирязев көшесіне дейін.

 Наурызбай ауданында:

• Райымбек даңғылындағы бос жатқан учаске (Алатау көшесінің батысы),
• Тарғап көшесінің солтүстігіндегі бос жатқан учаске,
• Дала көшесі (жатақхана артындағы бос жатқан учаске). 

Түрксіб ауданында:

• С.Сейфуллин атындағы саябақ

Жетісу ауданында:

• Солтүстік айналма, 87/7 үйдің  жанында
• Айнабұлақ – 4 ш/а