Алматыда "Халык-Life" АҚ-ның 20 жылдық мерейтойына орай баспасөз конференциясы өтіп, онда компанияның жылдық қорытындылары және өмірді сақтандыру тақырыбын насихаттайтын журналистер конкурсының жеңімпаздары таныстырылды. Іс-шараға "Халык-Life" Басқарма төрайымы Лариса Зданович, Қазақстан қаржыгерлері қауымдастығы мен Сақтандыру төлемдерін кепілдендіру қорының өкілдері қатысты.
Компания 20 жыл ішінде жас ұйымнан өмірді сақтандыру нарығындағы жетекші ойыншыға айналды. 2025 жылдың алғашқы тоғыз айының нәтижелері бойынша "Халык-Life" активтер, сақтандыру резервтері, меншікті капитал және таза пайда көлемі бойынша нарықта бірінші орынды сақтап отыр.
Конференцияда жинақтаушы өмірді сақтандыруды кепілдендіру мәселесі де талқыланды. Заңнамаға енгізілген өзгерістерге сәйкес, 2025 жылғы 30 тамыздан бастап жинақтаушы өмірді сақтандырудың барлық түрлері Сақтандыру төлемдерін кепілдендіру қорының қорғау жүйесіне енгізілді. Бұл қадам клиент қаражатының қауіпсіздігін арттырып, ұзақ мерзімді сақтандыру өнімдеріне деген сенімді күшейтеді.
Басқарма төрайымы Лариса Зданович мерейтойлық жылдың компанияның тұрақтылығын дәлелдегенін айта келе: "Сақтандыру – бұл тек тәуекелден қорғау емес, ең алдымен, болашақ қаржылық тұрақтылықты қалыптастыру құралы. Клиент сақтандыру қорғанысын сақтай отырып, қосымша табысқа да қол жеткізе алады", – деді.
Ол компанияның халықаралық S&P агенттігінен BBB+ рейтингін алғанын және бұл олардың қаржылық тұрақтылығын растайтынын қоса өтті.
Баспасөз конференциясы аясында өмірді сақтандыру тақырыбын көтеретін журналистерге арналған байқаудың жеңімпаздары марапатталды. Биыл төрт номинация бойынша 12 журналист жеңімпаз атанып, олардың бесеуі Алматыда марапатталды.