Алматы тауларынан 30 жастағы жігіттің денесі табылды: оқиғаның мән-жайын полицейлер анықтайды

23 қыркүйек 2024, 12:44 Авторға хат жазу قازاقشا Qaz

Оның неден қаза болғаны әзірге белгісіз.

Алматы тауларында құтқарушылар жас жігіттің мәйітін тапты, деп хабарлайды ҚР ТЖМ Республикалық жедел-құтқару жасағының баспасөз қызметі.

Құтқарушылардың айтуынша, қайтыс болған адам 30 жаста болған. Оның неден қаза болғаны әзірге белгісіз, оқиғаның мән-жайын полицейлер анықтайды.

Оқи отырыңыз: Алматы тауларында өрт қауіпсіздігін бұзғандарға 370 мың айыппұл салынады

"Алматы-Алагир асуына жақын орналасқан Проходное шатқалында ер адамның денесі табылғаны туралы шақыру түсті. РЖҚЖ құтқарушылары Алматының құтқару қызметімен бірлесіп, 1994 жылы туған ер адамның денесін Жусалы-Кезен асуына тасымалдап, полиция қызметкерлеріне тапсырды", – делінген хабарламада.