Тәуелсіздік күніне орай екі қалада да отшашу болған еді.
Елорда мен Алматы қаласының әкімдігі жаңа жыл мерекесінде жылдағыдай отшашу болмайтынын мәлімдеді. Бұл туралы өңірлердің мәдениет басқармалары хабарлады.
Нұр-Сұлтан билігі бір жыл бұрын да пандемияға байланысты осындай шешім қабылдаған болатын. Сондай-ақ, Алматы қаласында да отшашу болмады.
Десе де, 2021 жылы Тәуелсіздік мерекесінде елдің ірі мегаполисі мен елордада отшашу болды. Алматы қаласында "Астана" алаңынан атылса, астанада бірден үш жерде отшашу болды – Ботаникалық бақ, жағалау және Ақбұлақ өзенінің маңы. Нұр-Сұлтанда Тәуелсіздік күніне арналған отшашуды демеушілер ұйымдастырды.
Оқи отырыңыз:
- Ұшақ апаты, қуаңшылық, қоймадағы жарылыс. 2021 жылы елді елеңдеткен 15 оқиға
- Қазақстандықтар жаңа жылға қандай сыйлықтарды жиі береді?
- Биыл Қазақстанға шетелден келген туристер саны 47 пайыз азайды
