Қазақстандықтар жаңа жылға қандай сыйлықтарды жиі береді?

Отандық онлайн-хабарландыру сервисі іздеу сұратымдары нарығына шолу жасады. Нәтижесінде қазақстандықтардың жасанды шыршаларды көбірек таңдап, мерекеге арналған тұрғын үй декоры мен безендіретін заттарға көбірек көңіл бөлетіні белгілі болды, деп хабарлайды OLX.kz баспасөз қызметі. 

Соңғы екі жылда қазақстандықтар орман шыршаларына қарағанда жасанды түрін 4 есе жиі таңдады. 

• орман шыршасының орташа бағасы – 17 мың теңге;
• жасанды шырша – 22 000 теңге (2020 жылы бағасы 16 мың теңге болған еді). 

Бәрінен көп шыршаны Алматы, Ақтау және Қызылорда қаласының тұрғындары іздеген. Мұнымен қатар, 2020 жылдың сәйкес кезеңімен салыстырғанда тұрғындардың фотосессияларға 4 есе аз қызығушылық танытқаны белгілі болды. Өз кезегінде фотосессияға ұсыныстар саны да 2 есе азайып, қызметтің орташа құны 17% өсті. 

Оқи отырыңыз: Қазақша жыл қайыруды білесіз бе?

Аяз атаның жаңа жылдық құттықтауына деген қызығушылық 20% төмендеп, керісінше қызметтің орташа құны 30% өсті. Бұдан өзге қазақстандықтар үйді безендіруге көбірек қызығушылық таныта бастады. "Үйге арналған жаңа жылдық безендірулер" сұранысы 2020 жылмен салыстырғанда 26% өсіп, санаттың орташа құны 4 000 теңгені құрады.

"Сыйлықтар" санатындағы Топ-3-ке "сыйлық жиынтықтары", "киндер сюрприздер" және "шарлар" кірді.

Еске салсақ, отандық сауалнамаға қатысушы жұмыскерлердің 78%-ының корпоративке кеткен ақшаны сыйақы ретінде бергенін қалайтыны туралы хабарлаған едік.