Абай облысындағы ауқымды өрт бес күн ішінде өшірілуі мүмкін. Бұл туралы ТЖ министрінің орынбасары Ибрагим Күлшімбаев мәлімдеді.
Оның айтуынша, министрлікте өртті сөндіруге арналған су шашатын құрылғысы бар 33 тікұшақ бар. Дегенмен олардың 16-сы ғана өртті сөндіре алады. Қалғаны іздеу және барлау жұмыстарына қолданылады.
"Бірақ олардың бәрі дер кезінде босай бермейді, өйткені жоспар бойынша қандай да бір жұмыстар жүріп отырады. Сондықтан олардың жартысы жөнделіп жатады. Ұшақ жоқ, оған ақша сұраған едік, ол қарастырылмады. Сондықтан әзірге ұшақ сатып алмадық. Жақына арада (өртті сөндіреміз. – авт.), шамамен төрт-бес күннен кейін", – деді Ибрагим Күлшімбаев сенат кулуарында.
Оқи отырыңыз: "Орманды ағашын сату үшін өртейтіндер бар". Прокурор Абай облысындағы өрттің бірнеше себебін атады
Абай облысында 8 маусымда өрт тұтанды. Ол 60 мың гектарды шарпыды. Өрттен «Семей орманы» резерватының 14 қызметкері және тағы бір адам қайтыс болды.
