31 мамырдан бастап Атырау мен Баку арасында тікелей ұшақ рейсі қосылады

31 мамырдан бастап Air Astana Атырау–Баку бағыты бойынша тікелей тұрақты рейстерді іске қосады. Оған аптасына үш рет Airbus A320/A321 ұшақтары қарастырылған, деп хабарлады әуе компаниясының баспасөз қызметі.

Атыраудан Баку қаласына ұшу уақыты – 1 сағат 25 минут, ал кері бағытта – 1 сағат 35 минут. 

Атыраудан дүйсенбі мен сенбі күндері 18:30-да, сәрсенбі күні 21:35-те ұшады. Бакуге сәйкесінше 18:55 және 22:00-де қонады.

Кері бағыттағы Бакуден дүйсенбі мен сенбі күндері жергілікті уақыт бойыша 19:55-те, сәрсенбі күні 23:00-де ұшып, Атырауға тиісінше 22:30 және келесі күні 01:35-те жетеді.

Билеттерді airastana.com сайтынан, мобильді қосымша немесе туристік агенттіктер арқылы алуға болады. Бағасы – эконом-класста 96 527 теңгеден, бизнес-класста 278 681 теңгеден басталады (барлық салықтар мен алымдармен бірге).