2021 жылдың 9 маусымынан бастап Air Astana Қазақстан мен Адриатика теңіздің жағалауында орналасқан Черногория мемлекетімен жаңа тұрақты әуе қатынасын орнатады.
Черногорияның астанасы Подгорицаға рейстер жаңа жайлы Airbus 321LR лайнерімен сәрсенбі мен сенбі күндері Нұр-Сұлтаннан, ал бейсенбі мен жексенбі күндері Алматыдан жүзеге асырылады.
Әуекомпанияның жазғы кестесіне сәйкес, рейстер Нұр-Сұлтаннан сағат 9:00-де ұшып, Подгорицаға сағат 10:55-те ұшып келеді және Подгорицадан сағат 12:00-де ұшып, Нұр-Сұлтанға 21:20-да ұшып келеді. Алматыдан рейстер сағат 07:30 -да ұшып, Подгорицаға 10:25-те ұшып келеді, ал Подгорицадан кері қарай 11:30-да ұшып, Алматыға 21:25-те ұшып келеді.
Екі бағыттағы билеттердің құны салықтарды ескере отырып, эконом-класта 263 200 теңгеден, ал бизнес-класта 763 000 теңгеден басталады. Брондау әуекомпаниясының airastana.com сайтында қол жетімді.
Черногорияға қысқа мерзімді сапар үшін Қазақстан азаматтарына виза қажет емес.
Черногорияға сапар жоспарлаған жолаушыларда 72 сағат бұрын жасалынған ПТР тестің теріс нәтижесі бар анықтамасы болуы тиіс. 5 жасқа дейінгі балаларға және Черногорияда мақұлданған коронавирусқа қарсы вакцинациялаудың толық курсын өткен немесе 30 күннен аспайтын IgC антиденелерге тестінің оң нәтижесі бар жолаушыларға анықтама керек емес.
