USD:
500.5 / 505.5
EUR:
522.0 / 527.0
RUB:
5.31 / 5.43
Премьер-министр коммуналдық қызметтердің бағалары мен тарифтерінің өсуіне жарты жылға мораторий енгізілгенін айтты.
Ішкі нарық қосымша 150 мың тонна көлемінде сұйытылған мұнай газымен қамтамасыз етілетін болады, деп мәлімдеді премьер-министр Әлихан Смайылов Үкіметтің кеңейтілген отырысында.
"Шикі және тауарлық газдың бағасы 2024 жылғы 1 қаңтарға дейін өткен жылғы желтоқсан деңгейінде бекітіледі", – деді премьер-министр.
Оқи отырыңыз:
- Дизель бағасы өткен жылы 50 пайызға жуық қымбаттады
- Қазақстан өңірлеріндегі бензин мен дизель бағасы қандай?
Мұнымен қатар, Әлихан Смайылов коммуналдық қызметтердің бағалары мен тарифтерінің өсуіне жарты жылға мораторий енгізілгенін айтты.
"Жанар-жағармайға және газға шекті бағалар белгіленді. Үкімет жанында отандық кәсіпкерлер кенесі құрылды", – деп қосты Әлихан Смайылов.
Еске салсақ, дизель бағасының өткен жылы 50 пайызға жуық қымбаттағаны туралы хабарлаған едік. Ал жыл соңында жанар-жағармай бағасы бірден 23%-ға артты.
