Қазақстанда коронавирус жұқтырудың алғашқы деректері 13 наурызда тіркелді. Алғашқы 38 күннің оқиғаларын осы жерден оқуға болады.

22.15 Коронавирус жұқтырғандар саны – 1 852

  • Алматы – 606;
  • Нұр-Сұлтан – 386;
  • Қызылорда облысы – 149;
  • Қарағанды облысы – 93;
  • Ақмола облысы – 82;
  • Атырау облысы – 80;
  • Шымкент – 90;
  • Батыс Қазақстан облысы – 64;
  • Жамбыл облысы – 61;
  • Түркістан облысы – 60;
  • Алматы облысы – 50;
  • Солтүстік Қазақстан облысы – 30;
  • Павлодар облысы – 33;
  • Ақтөбе облысы – 27;
  • Қостанай облысы – 21;
  • Маңғыстау облысы – 12;
  • Шығыс Қазақстан облысы – 7.

Жазылғандардың жалпы саны – 447.

Көз жұмғандар – 19.

23.24 – Нұр-Сұлтан қаласында 200 орынға арналған заманауи жұқпалы аурулар ауруханасының құрылысы аяқталды. Нысан 13 күн ішінде салынды.

22.51 – ҚР Президентінің экономиканы тұрақтандыру туралы Жарлығын салық салу тұрғысынан іске асыру туралы Үкімет Қаулысы





22.15 – Коронавирус инфекциясын жұқтырған тағы 77 адам тіркелді, оның ішінде:

  • Нұр-Сұлтан – 3;
  • Алматы – 57;
  • Шымкент – 7;
  • Павлодар облысы – 3;
  • Батыс Қазақстан облысы – 1;
  • Алматы облысы – 6.


Елімізде коронавирус инфекциясын жұқтырған жалпы 1 852 адам анықталды.



20.45 Жамбыл облысында 5 адам коронавирус инфекциясынан жазылып шықты.

Елімізде барлығы 447 адам ауруынан айықты.



20.15 Сovid-19 вирусын жұқтырған 2 науқас қарқынды терапиядан тұрақты палатаға ауыстырылды.

  • Алматы қаласы ‒ 1 адам;
  • Павлодар облысы ‒ 1 адам.

Қазақстан Республикасында барлығы 27 емделуші реанимациядан бейінді бөлімге ауыстырылды.

20.11 – Көлікпен жүруге рұқсаты бар адамдар ғана көлік жуу қызметін пайдалана алады

Нұр-Сұлтан қаласының Тауарлар мен көрсетілетін қызметтердің сапасы мен қауіпсіздігін бақылау департаментінің жұмыс орындары мен коммуналдық маңыздағы нысандардағы жұқпалы емес ауруларды қадағалау және бақылау бөлімінің басшысы Гүлнәр Қалиева автомобильдерді тек қана көлікпен қозғалуға рұқсаты бар адамдар жуа алатынын түсіндірді.

Сондай-ақ, егер киім-кешекті алып кетіп, кері жеткізу қызметі көрсетілмейтін болса, сағат 9:00-ден 19:00-ге дейін жақын жердегі химиялық тазалау немесе кір жуу орнына баруға рұқсат етіледі.

Сондай-ақ, Гүлнәр Қалиева қалада қойылған бекеттерде қаладан шығу себебі мұқият тексерілетінін атап өтті.

19.20 Шымкент қаласында 4 адам коронавирус инфекциясынан жазылып шықты.

Елімізде барлығы 442 адам ауруынан айықты.

18.47 Тағы 10 адам коронавирус індетінен емделіп шықты.

Нұр-Сұлтан - 8,
Атырау облысы - 2.

Қазақстан бойынша жазылғандар саны 438-ге жетті.

17.40 Коронавирус инфекциясын жұқтырған тағы 18 адам тіркелді, оның ішінде Алматы – 14, Шымкент – 3, Қостанай облысында – 1.

Елімізде коронавирус инфекциясын жұқтырған жалпы 1 775 адам анықталды.

16.20 Қазақстанда тағы 11 адам коронавирус инфекциясынан жазылып шықты.

  • Алматы – 4,
  • Ақтөбе облысы – 2,
  • Түркістан облысы – 2,
  • Алматы облысы – 1,
  • Қостанай облысы – 1,
  • Қарағанды облысы – 1 адам емделіп, сауығып шықты.

Елімізде барлығы 428 адам ауруынан айықты.

16.18 21 сәуірде қазақ тілінде өтетін 1-11 сыныптарға арналған BALAPAN телеарнасындағы бейнесабақтар кестесі



15.00 Коммуналдық қызметтер үшін 15 мың теңге төлеуге өтінім қабылдау әкімдіктер өтінім қабылдайтын арнаулы жүйені іске қосқан соң басталады.

Мемлекет ағымдағы жылдың сәуір және мамыр айлары үшін коммуналдық қызметтерге ақы төлейді. Барлық өтініштер мамыр айын қоса алғандағы кезеңде қабылданады.



14.29 Солтүстік Қазақстан облысының аумағында 2020 жылғы 21 сәуір күні сағат 00:00-ден бастап карантин режимі күшейтіледі.

Солтүстік Қазақстан облысының Бас мемлекеттік санитарлық дәрігерінің Қаулысына сәйкес Солтүстік Қазақстан облысының аумағында 2020 жылғы 21 сәуірде сағат 00:00-ден бастап кәсіпкерлік және (немесе) өзге де қызмет пен халық тұрмысының ерекше жағдайлары қарастырылған карантин режимі күшейтіледі.

21.04.2020 ж. сағат 00:00-ден бастап төмендегі тізімдегілерді қоспағанда, аудандардың және Петропавл қаласының карантиндік аймақтарының аумағынан кетуге/кіруге тыйым салынады:

  • халықтың тіршілігін қамтамасыз ету ұйымдарының қызметкерлері;
  • медициналық себептермен кететін және кіретін адамдар;
  • карантин енгізілген кезеңде ауруханаларда емделіп, карантиндік және уақытша ауруханаларда бақылауға алынған адамдардың кетуі;
  • транзиттік жүк көліктері;
  • халықтың қажеттіліктері үшін ауыл шаруашылығы, азық-түлік және басқа да өнімдері бар жүк көліктері;
  • көктемгі дала жұмыстарына, экологиялық, ветеринариялық, ауыл шаруашылығы жұмыстарына, соның ішінде ара шаруашылығымен айналысатын тұлғаларға мемлекеттік тіркеу туралы куәлігі, жеке куәлігі, сондай-ақ қызметкерлер үшін жұмыс орнынан анықтама ұсынылған кезде жүруге болады;
  • Әуежайдың, теміржол вокзалдарының, автостанциялар мен автовокзалдардың қызметі тоқтатылады.

Оқи отырыңыз: Еңбек министрі: 42 500 теңге төлемді заңсыз алғандар қылмыстық жазаға тартылмайды

13.53 – Карантин шараларына сәйкес елді мекендері жабылған азаматтар режимді әлі де сақтамай жүр

Алматы облысының 200-ден астам тұрғыны карантин аумағынан/аумағына кіріп-шығуға әрекеттенгені үшін жауапқа тартылды. Екі адам қамауға алынды. Қазір облыстың көптеген елді мекендері тұрғындар қозғалысынан оқшауланған. Периметр бойынша карантиндік бақылау-өткізу бекеттері қойылған. 130-дан астам санитарлық және көшпелі бекеттер бар.

Әлеуметтік маңызы бар тауарлар мен азық-түлік өнімдерін таситын автомобильдерге тек рұқсатнамамен жүруге болады. Барлық көліктер мұқият тексеріледі, жүргізушілердің дене температурасы өлшенеді, содан кейін автомобиль дезинфекцияланады.

13.50 – Қазақстанда тағы 4 адам коронавирус инфекциясынан жазылып шықты.

  • Нұр-Сұлтанда – 3;
  • Қызылорда облысында – 1 адам емделіп, сауығып шықты.

Елімізде барлығы 417 адам ауруынан айықты.

12.55 – Өткен аптада Қазақстанға коронавирус инфекциясымен күресуде қазақстандық дәрігерлерге кеңес беру үшін келген ҚХР медицина мамандары Алматыдағы әріптестерімен кездесті.

Делегация құрамында ҚХР-дан келген 10 пульмонология, эпидемиология саласындағы жетекші мамандар, қоғамдық денсаулық сақтау сарапшылары бар. Дәрігерлер Алматы Қоғамдық денсаулық сақтау басқармасының, Денсаулық сақтау министрлігінің өкілдерімен, С. Ж. Асфендияров атындағы ҚазҰМУ профессор-оқытушылар құрамымен онлайн форматта кеңес өткізді.

ҚХР дәрігерлері Алматы дәрігерлерінің COVID-19-ға қарсы күресте қабылдап жатқан шараларын жоғары бағалап, диагностика, емдеу және ұйымдастыру тұрғысынан жұмыстың қай тұсын күшейту қажет екені туралы ұсыныстарын айтты.

12.41 – Шымкент қаласында коронавирус инфекциясын жұқтырған 9 адам да
Шымкент қаласының тұрғындары. Олар коронавирус инфекциясын жұқтырған адамдармен қарым-қатынаста болуына байланысты карантиндік стационарға жатқызылып, зертханалық сынама алынған.

ПТР диагностикалық зерттеу қорытындысымен COVID-19 диагнозы нақтыланды.

Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізіліп жатыр.

12.30 – Коронавирус инфекциясын жұқтырған тағы 22 адам тіркелді, оның ішінде Нұр-Сұлтан – 2, Алматы – 10, Шымкент – 9, Қостанай облысында – 1.

Елімізде коронавирус инфекциясын жұқтырған жалпы 1757 адам анықталды.

12.15 – ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссия бүгіннен бастап Нұр-Сұлтан және Алматы қалаларында жұмысын қайта бастайтын кәсіпкерлік субъектілерінің қызмет түрлерінің тізімін бекітті.

Басты талап — карантин жағдайында қарастырылған қатаң санитарлық-эпидемиологиялық шараларды сақтау.

Мемлекеттік комиссия бекіткен ШОБ субъектілерінің қызмет түрлері:

Нұр-Сұлтанда:

  • өнеркәсіптік кәсіпорындар;
  • құрылыс және жол-құрылыс салаларының компаниялары, ірі құрылыс дүкендері;
  • көлік, қоймалау салаларындағы компаниялар, ауыл шаруашылығы мақсатындағы сервистік компаниялар;
  • автосалондар, ТҚС, авто жуу, дөңгелек ауыстыру сервисі, автобөлшектер дүкендері, химиялық тазалау, кеңсе техникасын жөндеу;
  • екінші деңгейлі банктер сағат 9:00-ден 16:00-ге дейін штат санының 50%-ын шектеумен, нотаруистер алдын ала жазылу бойынша жұмыс істейді;
  • қоғамдық тамақтану нысандарының жұмысы тек өзімен алып кету және жеткізу қызметімен сағат 22:00-ге дейін ұзартылды.

Алматыда:

  • өнеркәсіптік кәсіпорындар;
  • құрылыс және жол-құрылыс салаларының компаниялары, құрылыс материалдарының ірі көтерме базарлары;
  • нотариустер алдын ала жазылу бойынша;
  • тек бизнеске қызмет көрсету үшін ХҚКО бір бөлімшесі (Наурызбай ауданы, Шұғыла шағын ауданы, 347/1).

Нұр-Сұлтан және Алматы қалаларындағы шұғыл штабтар кәсіпорындар мен кәсіпкерлік субъектілерінің нақты тізімін, олардың қызметкерлерінің нақты санын, жұмыс уақытын және жеткізілу тәсілін анықтады.


Оқи отырыңыз: Ұяға оралған ұят емес


11.40 – Қазақстанда тағы 12 адам коронавирус инфекциясынан жазылып шықты

Солтүстік Қазақстан облысында – 7,
Шығыс Қазақстан облысында – 3,
Ақмола облысында – 1,
Маңғыстау облысында – 1 адам емделіп, сауығып шықты.

Елімізде барлығы 413 адам ауруынан айықты.

11.14 – Солтүстік Қазақстан облысында жаңадан тіркелген науқас - 1994 жылғы СҚО, Мамлют ауданының тұрғыны. СҚО Мамлют ауданына Тюменьнен 15 наурызда келген. Коронавирусқа алғашқы тексеру нәтижесі теріс болып шыққан. 18 сәуірде дене қызуының жоғарылауына, бас ауруына шағымданып, провизорлық стационарға ауыстырылған соң, диагнозы расталды.


Қызылорда облысында тіркелген науқас - 82 жастағы Шиелі ауданының тұрғыны. Ол карантиндік стационарда, вирус жұқтырғандармен байланыста болған.

Шымкент қаласында 19-сәуір күні түнгі 23-10-да 1963, 1967, 1985, 1989, 1994 жылғы науқастардың Covid-19 жұқтырғаны анықталған. Олар да карантиндік стационарда болған.

Батыс Қазақстан облысында бүгін тіркелген 58 жастағы науқас - Орал қаласының тұрғыны. Бұрын коронавирус инфекциясымен ауырған адаммен байланыста болған.

Павлодар облысында бүгін тіркелген 4 науқастың екеуі - 50 жастағы әйел мен 11 жастағы бала, Павлодар қаласында тұрады. Ал 48 жастағы әйел мен 10 жасар бала - Екібастұз қаласының тұрғындары.

Қостанай облысында бүгін таңертең 4 науқас тіркелді. Барлық жағдайлар Жітіқара қаласында анықталды. Төрт азаматтың екеуі (1972 және 1993 жылы туған) бұрын Covid-19 жұқтырған науқастардың көршісі екені анықталды. Қалған екеуі (1975 және 1998 жылы туған) бұрын анықталған науқастармен байланыста болған.


Оқи отырыңыз: Елжан Біртанов: Барлық медицина мекемелері жұқпалы аурулар ауруханасының форматында жұмыс істейтін болады


11.02 – 42 500 теңге әлеуметтік жәрдемақыны тағайындауда жеке куәліктің мерзімі өткен жағдайда төлемді бермеу мәселесі қарастырылмайды

Сондай-ақ, Төтенше жағдай режимі енгізілгенге дейін ресми түрде жұмыс істеген зейнеткерлер бұл төлемді алуға құқылы. Тіптен, зейнеткер Әлеуметтік сақтандыру қорына аударым жасамаған болса да жәрдемақыны ала алады.

10.36 – 3,96 миллионнан астам қазақстандыққа Төтенше жағдай кезінде табысынан айырылуына байланысты жалпы 157 млрд теңге сомасында 42 500 теңге жәрдемақы тағайындалды.

10.33 – Өзіне тиісті емес 42 500 теңгені алған азаматтар қылмыстық жауапкершілікке тартылмайды. Бұл туралы бүгін өткен брифингте ҚР еңбек және халықты әлеуметтік қорғау министрі Біржан Нұрымбетов мәлімдеді.

«42 500 теңгені қателесіп алған бірде-бір адам жауапқа тартылмайды. Біз ешкімді тексермейміз, бұл әлеуметтік төлем», — деді министр.


Оқи отырыңыз: Коммуналдық қызметтер үшін кімдерге 15 мың теңгеден беріледі?


09.35 – Коронавирус жұқтырып, Алматыда көз жұмған 2 науқастың мән-жайы белгілі болды.

Алматы Қоғамдық денсаулық сақтау басқармасыны4 хабарлауынша, дүниеден өткен бұл екі адамның да денсаулық жағдайы аса ауыр халде болған.

  • Оның біреуі 1958 жылы туған ер адам. Пациенттің бұл инфекциядан басқа жіті бүлінген панкреатиті, ауыр дәрежелі қан аздық, артериалдық гипертония деген сияқты қосымша аурулары болған. Жүрек қызметі тоқтау себебінен көз жұмды.
  • Екіншісі 1931 жылы туған әйел. Ол жүректің ишемиялық ауруы, артериялық гипертензия, дисциркуляторлық энцефалопатия сияқты қосымша диагноздармен ауыр жай-күйде болған.

09.30 – Коронавирус инфекциясын жұқтырған тағы 24 адам тіркелді:

  • Нұр-Сұлтан – 9;
  • Шымкент – 4;
  • Қостанай облысы – 4;
  • Павлодар облысы – 4;
  • Батыс Қазақстан облысы – 1;
  • Қостанай облысы – 1;
  • Алматы – 1.


Денсаулық сақтау министрлігі профилактикалық 5 шараны тұрақты істеуге кеңес береді:

  • қол мен бетті сабынмен жиі және мұқият жуу;
  • қолға арналған спирттік антисептиктерді қолдану;
  • көп адам жиналған орындардан аулақ болу;
  • науқас адамдармен байланысқа түспеу;
  • салқын тию белгілері (дене қызуының көтерілуі, мұрынның бітелуі, жөтел, тамақтың ауруы) пайда болғанда міндетті түрде дереу үйге жедел жәрдем шақыру қажет.
ДСМ жедел желі номері: 1406

Өзіңізге ыңғайлы жерден informburo.kz оқыңыз:

Facebook | Instagram | Telegram

Если вы нашли ошибку в тексте, выделите ее мышью и нажмите Ctrl+Enter