Бұған дейін министрлердің орташа жасы 45,5 болған еді.
2023 жылдың 1 қыркүйегіне дейін Қазақстан Республикасында 19 министрлік болды. Мемлекет басшысының жарлығымен бес жаңа министрлік құрылды, дәлірек айтқанда үшеуі қайта жасақталды. Осы орайда ауыс-түйістен кейін министрлердің орташа жасы қалай өзгергенін есептеп көрдік.
Оқи отырыңыз: 25-тегі жастан 74-тегі зейнеткерге дейін: Мәжілістің жаңа құрамына шолу
Министрлердің жасы қаншада?
- Ауыл шаруашылығы министрі Айдарбек Сапаров (1966 жылы 12 маусым, 57 жаста);
- Әділет министрі Азамат Есқараев (1979 жылы 7 қазан, 44 жаста);
- Ғылым және жоғары білім министрі Саясат Нұрбек (1981 жылы 18 мамыр, 42 жаста);
- Денсаулық сақтау министрі Ажар Ғиният (8 маусым 1969 жылы, 54 жаста);
- Еңбек және халықты әлеуметтік қорғау министрі Светлана Жақыпова (1968 жылы 16 қаңтар, 55 жаста);
- Көлік министрі Марат Қарабаев (1987 жылы 4 шілде, 36 жаста);
- Қаржы министрі Ерұлан Жамаубаев (1974 жылы 25 наурыз, 49 жаста);
- Қорғаныс министрі Руслан Жақсылықов (1966 жылы 4 наурыз, 57 жаста);
- Мәдениет және ақпарат министрі Аида Балаева (1974 жылы 4 шілде, 49 жаста);
- Оқу-ағарту министрі Ғани Бейсембаев (1969 жылы 3 маусымда, 54 жаста);
- Өнеркәсіп және құрылыс министрі Қанат Шарлапаев (1981 жылғы 9 шілде, 42 жаста);
- Сауда және интеграция министрі Арман Шаққалиев (1977 жылы 1 желтоқсан, 45);
- Сыртқы істер министрі Мұрат Нұртілеу (1976 жылы 11 наурыз, 47 жаста);
- Су ресурстары және ирригация министрі Нұржан Нұржігітов (1967 жылы 31 наурыз, 56 жаста);
- Төтенше жағдайлар министрі Сырым Шәріпханов (1967 жылы 1 мамыр, 56 жаста);
- Туризм және спорт министрі Ермек Маржықпаев (1969 жылы 29 тамыз, 54 жаста);
- Ұлттық экономика министрі Әлібек Қуантыров (1983 жылы 14 қараша, 39 жаста);
- Цифрлық даму, инновациялар және аэроғарыш өнеркәсібі министрі Бағдат Мусин (1983 жылы 3 наурыз, 40 жаста);
- Ішкі істер министрі Ержан Сәденов (1968 жылы 24 қазан, 54 жаста);
- Экология және табиғи ресурстар министрі Ерлан Нысанбаев (1961 жылы 11 тамыз, 62 жаста);
- Энергетика министрі Алмасадам Сәтқалиев (1970 жылы 31 қазан, 52 жаста).
Оқи отырыңыз: Қазақстанда 2023 жылғы мәжіліс пен мәслихаттар сайлауы қалай өтті? Бір күннің хронологиясы
Министрлердің орташа жасы қанша?
Бұған дейін ең жас министр – 33 жаста (Асхат Оралов), ал егде жастағысы – 58 жаста болды (Марат Ахметжанов). Орташа жас – 45,5.
Қазір ең жас министр – 36 жаста (Марат Қарабаев), ең үлкені – 62 жаста (Ерлан Нысанбаев). Орташа жас – 49.
