25 жылда Қазақстан өңірлерінде халық саны қалай өзгерді? Инфографика

Төмендегі инфографика Қазақстан өңірлеріндегі халық санының 1999 жылдан бергі өзгеру динамикасын көрсетеді. 1999 жылы ел халқының саны 14 958 мың болса, содан бері 4 миллионнан астам адамға артып, бүгінде 20 миллионға жуықтады. Графикада қолданылған мәліметтер Стратегиялық жоспарлау және реформалар агенттігінің Ұлттық статистика бюросының ресми сайтынан алынды. 

Оқи отырыңыз: Қазақстандағы халық саны мен ел демографиясы туралы қызықты деректер

Графикаға енбеген қызықты мәліметтер: 

• Халқының саны 2 миллионнан асатын өңірлер: Алматы облысы (әзірге, биыл Алматы облысын екіге бөлу жоспарланған), Түркістан облысы және Алматы қаласы;
• Халқының саны 1 миллионнан асатын өңірлер: Нұр-Сұлтан, Шымкент қалалары, Жамбыл, Қарағанды, Шығыс Қазақстан облыстары (әзірге, биыл Қарағанды мен Шығыс Қазақстан облыстарын екіге бөлу жоспарланған);
• 25 жылда халық саны ең жылдам дамыған өңір – Нұр-Сұлтан (Астана) қаласы;
• Алматы қаласы халқының саны 2021 жылы ғана 2 миллионнан асты;
• Оңтүстік Қазақстан облысының құрамынан Шымкент бөлініп шыққанына қарамастан, Түркістан облысы халық саны бойынша бірінші орында. 

Оқи отырыңыз: 1897-2018. Қазақ халқының саны қалай өзгерді?