Бірінші сыныпқа баратын балалардың құжатын қабылдау 1 сәуірде басталады

Білім және ғылым министрлігінің болжамынша, 2021-2022 оқу жылында елімізде 340 мыңнан аса бала мектеп табылдырығын аттайды. Егер баланың жасы 1 қыркүйекте толық 6 жасқа толған болса, бірден мектепке қабылданады. Ал жасы толық 6-ға толмаған балалардың (олардың жасы үстіміздегі жылы 1 қыркүйектен кейін толатын болса) тек ата-аналары немесе басқа заңды тұлғалары қалаған жағдайда ғана мектепке бара алады.

Бірінші сынып оқушыларының құжаттарын қабылдау 1 сәуірде басталып, 1 тамызға дейін жалғасады. Құжаттарды egov.kz арқылы беруге болады:

• ата-аналардың (немесе оларды алмастыратын тұлғалардың) өтініші;
• баланың туу туралы куәлігінің көшірмесі;
• "бала денсаулығы паспорты";
• 3х4 көлеміндегі 2 фото.

Білім беру ұйымы өтініш берушіден міндетті көрсетілген тізбеден басқа  құжаттарды тапсыруды талап етуге құқығы жоқ.

---

Оқи отырыңыз: Төртінші тоқсанда оқушылар қалай оқиды? Маңызды 8 сұраққа жауап

---

Ережеге сәйкес, 1-сыныпқа қабылдау кезінде құжаттар алдымен мектептің қызмет көрсету аумағынан алғашқы 3 өтініш берушіден (тіркелу орны бойынша) қабылданады. Одан кейін басқа шағын учаскеден 1 өтініш берушіден (3:1 қағидаты бойынша) қабылданады.

Гимназия, лицейлерден басқа мектептердің барлығы балаларды мектепке емтиханысыз қабылдайды.