Kaspersky Қазақстанда балалардың 2020 жылғы қарашадан бастап 2021 жылғы сәуірді қоса алғанда ең көп уақытын қандай мобильді қосымшаларда өткізгенін талдады. Басты орын YouTube-ке тиесілі болды, оның үлесі ең танымал он қосымшада өткізілген уақыттың үштен бірін (31%) құрады. Шамамен төрттен бір бөлігін (24%) WhatsApp және тағы 14% – TikTok иеленді. Қазақстандық көшбасшылар үштігі жалпы әлемдік деңгеймен сәйкес келеді.

Сондай-ақ, қазақстандық топ-10 құрамына Brawl Stars (6%), Roblox (7%) және Minecraft (2%) ойын қосымшалары, Chrome браузері (7%), YouTube Kids (4%), Instagram  (3%) және Likee (2%) әлеуметтік желілері кірді.

Іздеу статистикасы көрсеткендей, әлемдегі барлық тілдерде балалар YouTube-тен блогерлердің аттарын немесе бейне ойындарға қатысты арна атауларын, атап айтқанда, парақшалар, өмірлік хакерлер және жаңа кейіпкерлердің шолуларын іздеді. Ең танымал ойын арналары өткен алты айда EdisonPts, Поззи, FixEye және EugenBro болды.

Оқи отырыңыз: Кибербуллинг: балалардың әлеуметтік желідегі қауіпсіздігін қалай қамтамасыз етеміз?

YouTube іздеулерінің танымал санаттары әлі де "Музыка" және "Фильмдер, мультфильмдер және ТВ-шоулар" болып қала береді. Көбінесе олар "Леди Баг и Супер-Кот", "Гравити Фолз", "Щенячий патруль", "Отель Хазбин" және "Cвинка Пеппа" мультфильмдерін, ал бейнероликтерге келетін болсақ әлі жарыққа шықпаған "Годзилла против Конга" фильмінің, жақында шыққан "Лига справедливости Зака Снайдера" және Disney+-те шыққан "ВандаВижен" минисериалына, сондай-ақ  "Кобра Кай" және "Очень странные дела" сериалдарына трейлерлерді іздеді.  Телешоуларға келетін болсақ, орыс тіліндегі ең көп таралған "шоу маска", "пацанки", "голос дети" және "колледж стс" сияқты сұраулар болды.

Іздеу сұраулары арасындағы мемдердің үлесі салыстырмалы түрде аз болды, шамамен 2%, бірақ осы категорияда жетекші болған "поляк сиыры" (Dancing Polish Cow 10 Hours) бейнесі 18 миллионнан астам қаралды.

"Біз балалардың таңдауының басында қандай мобильді қосымшалар бар екенін анықтауға шешім қабылдадық, өйткені олардың көпшілігі үшін смартфон бүгінде негізгі гаджет болып табылады. YouTube және TikTok көш бастап келеді, балалар осы платформаларда қызықты бейнелерді іздеп қана қоймай, оларды белсенді түрде жасайды", – дейді Орталық Азиядағы Kaspersky коммерциялық директоры Валерий Зубанов.