Жұмыссыз әйелдердің "IT-әйел" бағдарламасы арқылы білім алуына мүмкіндік бар. Бұл туралы 24.kz хабарлады. 

"Астана хаб" басқарушы директоры Алина Әбдірахманованың айтуынша, елімізде жоғары білімді, еңбекке жарамды әйелдердің 34 пайызы жұмыс істемейді.

Ал аталмыш жоба аясында олар компьютерді пайдалану, уеб-сайттар мен түрлі қосымшаны жасап шығаруға арналған курстардан өте алады. Арнайы сабақтар онлайн өтеді. Сондықтан оған бала күтімімен үйде отырған аналар да қатыса алады. Бүгінде бұл жобаның игілігін жеті мыңнан астам әйел көріп отыр.

Оқи отырыңыз: Қазақстанда жұмыссыз әйелдердің саны артты

"Бағдарлама Қазақстандағы әйелдерді дамытуға бағытталған. Кез келген әйел, тек қана айти саласы бойынша білім алып қана қоймайды. Сол арқылы үйден шықпай-ақ табыс табуға мүмкіндігі бар. Нәзік жандарға барлық жағдай жасалған. Тек көрем, білем, қатысам деген ниет болса, сол жеткілікті", – деді Astana Hub басқарушы директоры Алина Әбдірахманова. 

Оқи отырыңыз: Қазақстанда көшбасшы әйелдерді қолдайтын Гендерлік теңдік модульдік оқыту бағдарламасы әзірленді