Түркістан облысының тұрғыны мектепте жұмыс тауып бергені үшін алаяққа 2 миллион теңге берген. Бұл туралы Polisia.kz хабарлады.

Жергілікті тұрғын Келес аудандық ішкі істер бөліміне арыз жазған. Айтуынша, танысын мектепке жұмысқа орналасуға көмектесемін деген желеумен 2 миллион теңгеге жуық ақша алған әйел уәдесін орындамаған.

Аталған факті ҚР Қылмыстық кодексінің 190-бабы "алаяқтық" бойынша тіркелді.

Жедел іздестіру шаралары барысында тәртіп сақшылары күдіктіні анықтады. Ол әйел алған ақшаны өз қажеттіліктеріне жұмсаған. Қазір күдіктінің осыған ұқсас басқа да қылмыстарға қатысы бар-жоғы тексеріліп жатыр. 

Оқи отырыңыз: Алаяқтың 50 iPhone әперемін дегеніне сенген Шымкент тұрғыны 4 млн теңгесінен айырылды