2022 жылы отандық курортты аймақтарда демалған туристер саны 2021 жылмен салыстырғанда 30% өсті. Осының арқасында Қазақстанның қонақ үйлері 102 млрд теңгеден астам табыс тапты. Көрсетілген қызметтер көлемі 2021 жылмен салыстырғанда екі есеге жуық өсті. Сондай-ақ курортты аймақтардағы төсек-орындардың саны 102 мыңнан 106 мың бірлікке дейін артты, деп хабарлайды ҚР МСМ баспасөз қызметі.

Пандемияға дейінгі деңгеймен салыстырғанда Қазақстанның курортты аймақтарында туристер саны үш есе, ал көрсетілген қызметтер көлемі 6 есе өсті.                                                                                                                           

Бұл ретте саяхатшылар көбінесе Алматы тау кластерінде, Бурабайда, Маңғыстау курортты аймағында және Алакөл көлінің жағалауында тоқтайтынын айта кеткен жөн.

Оқи отырыңыз: Корея мен Қазақстан өзара туризмді қалай дамытып жатыр?

"Қазіргі уақытта ең танымал бағыттар бойынша туристік инфрақұрылымды дамытуда белсенді жұмыс жүргізіліп отыр. Біздің мақсатымыз – бірнеше жыл ішінде ішкі туристердің жалпы санын 11 млн адамға дейін, ал кіретін туристерді – 4 млн адамға дейін ұлғайту үшін курорттар мен демалыс аймақтарының қолжетімділігін, сондай-ақ сыйымдылығын арттыру, атап айтқанда, қазір жаңа нысандар салынып жатыр, ал туризм саласындағы кәсіпкерлер субсидия алып келеді", – деп атап өтті ҚР МСМ туризм индустриясы комитетінің төрағасы Дастан Рыспеков.