17 мамырда рейдтік іс-шаралар барысында Павлодар ауданының прокуратурасы тұрмысы нашар отбасын анықтады. Бұл туралы облыстық прокуратураның баспасөз қызметі мәлімдеді.

Ата-анасы үш күн бойы үйді ішінен жауып алып, үш кәмелетке толмаған баланы үйден шығармаған. 

"Отбасы бірнеше күн бойы ішімдік ішіп, балаларды үйде ұстағаны, мектепке және далаға шығармағаны анықталды. Қабылданған шаралармен Павлодар ауданының прокуратурасы жергілікті атқарушы органдарымен, білім беру бөлімімен, полиция бөлімімен, денсаулық сақтау бөлімімен бірлесіп, балаларды босатты. Оларға алғашқы қажетті көмек көрсетілді", – деп жазылған хабарламада.

Аудан прокуратурасы уәкілетті органдармен бірлесе отырып профилактикалық іс-шаралар өткізуді жалғастыруда.

Оқи отырыңыз: Жаңа туған сәбилерін саудалаған ана 8 жылға сотталды