Алматыда Қазақстанның Конституциясы күніне арналған мерекелік концерт 29 тамыз күні сағат 19:00-де Абай алаңында өтеді. Әкімдіктің мәліметінше, іс-шараға "Мұзарт" және "Жігіттер" тобы, Қайрат Нұртас, Мархаба Сәби, Калифорния, Yenlik, Ильхан Исханов, Жанар Дұғалова, Hey Monro және тағы да басқа қазақстандық эстрада жұлдыздары қатысады.

Қонақтар мен қала тұрғындары үшін сахна экрандарында тақырыптық бейнелері бар 13 музыкалық нөмір ұсынылады. Конституция күніне орай бірқатар спорттық іс-шаралар да ұйымдастырылады.

Сонымен қатар, мерекелік іс-шаралар қаланың барлық ауданында өтеді:

  • Әуезов ауданында салтанатты іс-шара 29 тамызда сағат 11:00-де, Family Park демалыс саябағында өтеді.
  • Наурызбай ауданында эстрада жұлдыздарының қатысуымен Конституция күніне арналған концерт 29 тамызда сағат 11:00-де, Инновациялық шығармашылық орталығында өтеді.
  • Алатау ауданында Конституция күніне арналған концерт 29 тамызда сағат 16:00-де Атлетикалық ауыл аумағында өтеді.
  • Бостандық ауданында Конституция күніне арналған мерекелік концерт 29 тамызда сағат 17:00-де MEGA Alma-Ata СОО амфитеатрында өтеді.

Оқи отырыңыз: Конституция 1995 жылдан бері қалай өзгерді? Таймлайн.

  • Түрксіб ауданында қазақстандық жұлдыздар мен көркем ансамбльдердің қатысуымен мерекелік бағдарлама 29 тамызда сағат 18:00-де Сейфуллин даңғылы, 13/1 бойынша №6 оқушылар үйінің аумағында өтеді. Аудандық мереке туды салтанатты түрде шығаруды, әнұранды орындауды, 16 жастағы азаматтарға жеке куәліктерді табыстауды, ұтыс ойындары мен конкурстарды, сондай-ақ ашық аспан астында кино көрсетуді қамтиды.
  • Жетісу ауданында Конституция күніне орай салтанатты концерт 29 тамызда сағат 19:00-де "Гүлдер" саябағында өтеді.
  • Медеу ауданында Конституция күніне арналған мерекелік концерт 30 тамызда сағат 12:00-де Орталық мәдениет және демалыс саябағында өтеді.
  • Алмалы ауданында концерт 30 тамызда сағат 17:00-де Сейфуллин даңғылы, 483 мекенжайы бойынша Mega Park СОО аумағында өтеді.

Оқи отырыңыз: Қазақстанда жаңа кәсіби мереке күнін енгізу жоспарланып отыр.