Алматыда 15 қазаннан бастап электр энергиясы қымбаттады. Бұл "Тарифті инвестицияға айырбастау" бағдарламасын жүзеге асырумен байланысты.

Алматылықтардың басым бөлігі сараланған тариф бойынша төлем жасайтындықтан, электр энергиясы төлемдері келесідей тәртіппен өзгерді:

  • Бірінші деңгей: 1 кВтс үшін төлемақы 25,94 теңгеден 28,06 теңгеге өсті;
  • Екінші деңгей: 1 кВтс үшін төлемақы 34,34 теңгеден 37,08 теңгеге өсті;
  • Үшінші деңгей: 1 кВтс үшін төлемақы 42,93 теңгеден 46,35 теңгеге өсті.

Тарифтің орташа өсуі 3,7%-ды құрады – бүгіннен бастап электр энергиясын жеткізудің орташа шекті бағасы – қосымша құн салығынсыз 29,04 теңге.

Еске салайық, 1 қыркүйектен бастап Алматыда суық және ыстық су, сондай-ақ жылу тарифтері де өсті. Оның ішінде ауыз су төлемақысы бірден 162 пайыз артты. 

Оқи отырыңыз: Жыл басынан бері 12,4 миллион шаршы метр тұрғын үй пайдалануға берілді