Алматыда "Алтын белгі" иегрелері марапатталды. Бұл туралы қала әкімдігінің баспасөз қызметі хабарлады. 

"Биыл Алматыда 14 876 түлек мектеп бітірді. Оның 474-і "Алтын белгі" төсбелгісін алды", – делінген хабарламада.

Оқи отырыңыз: Биыл 172 мың оқушы мектеп бітірді. Оның ішінде 6,8 мың оқушы "Алтын белгіге" үміткер

"Алтын белгіні" түлектерге қалалық білім басқармасының басшысы Ләззат Жылқыбаева, аудан әкімдері және білім беру саласының ардагерлері табыстады. Салтанатты жиында түлектер шеруі өтті. 

Іс-шарада биыл халықаралық зияткерлік олимпиадалар мен ғылыми жарыстарда жеті алтын, 11 күміс және 23 қола алған оқушылар да ерекше аталды.

Дәстүр бойынша түлектер қоштасу вальсін биледі. Іс-шарада эстрада әншілері өнер көрсетті.

Оқи отырыңыз: Оқу министрі: "Алтын белгі" баладан гөрі ата-ананың мақтануы үшін қажет сынды