Қаржылық мониторинг агенттігінінің Солтүстік Қазақстан облысы бойынша департаменті Петропавл қаласында алкоголь өнімдерін өндіру бойынша жасырын цех қызметінің жолын кесті, деп хабарлады агенттіктің баспасөз қызметі.

Жедел-іздестіру барысында қаланың өнеркәсіптік аймағы аумағындағы қойма үй-жайы жойылған. Онда антисанитариялық жағдайда суррогат спирті құйылып, облыс аумағындағы сауда нүктелері арқылы сатылған.

Тексеру барысында көлемі 16 мың литрден астам пластикалық ыдыстардағы спирт және құрамында спирт бар сұйықтық, сондай-ақ суррогат спиртін пластикалық ыдыстарға құюға арналған құрылғылар тәркіленді.

Қазір сотқа дейінгі тергеу жүріп жатыр. Соған байланысты өзге мәліметтер жариялауға жатпайды.

Оқи отырыңыз: