Статистика Covid-19
в Казахстане:
Заразились:
266 667
Выздоровели:
232 835
Умерли:
3 202 (8.04.2021)
Коронавирусная
пневмония:
Заразились:
51 260
Выздоровели:
49 818
Умерли:
722 (8.04.2021)

Президент Абайдың 175 жылдық мерейтойын ұйымдастыруға шетелдік мамандарды тартпауды тапсырды

Мемлекет басшысы Семей қаласының әкімі Ермак Сәлімовті қабылдады.

Кездесуде Абайдың 175 жылдығына арналған мерейтойлық шаралар талқыланды. Қасым-Жомарт Тоқаев айтулы шараны сапалы, бірақ шетелден мамандар тартпай ұйымдастыруды тапсырды.

Президент Семейге тарихи орталық мәртебесін беру жөнінде маңызды қадам жасалғанын атап өтіп, қаладағы музейлер жұмысының сапасын арттыруға ден қою керектігін алға тартты. Сондай-ақ, қаланың көрікті жерлерін абаттандыру үшін тиісті шаралар қабылдауды талап етті.

"Аталған нысандар туристер мен қала қонақтары үшін тартымды болып, қызмет етуі тиіс", – деді Қасым-Жомарт Тоқаев.

Оқи отырыңыз: "Абай және ХХІ ғасырдағы Қазақстан" атты президент мақаласындағы 10 өзекті ой

Семей қаласының әкімі мемлекет басшысына қаланың әлеуметтік-экономикалық дамуы, халықтың әл-ауқатын арттыру бағытында атқарылып жатқан шаралар туралы баяндады. Бұдан бөлек, жұмысы тұралаған кәсіпорындарды іске қосу мәселесі талқыланды. Атап айтқанда, тері-жүн комбинатының жұмысын қайта жүргізу қарастырылды.

Сонымен қатар, радиологиялық орталықты пайдалануға беру мен жаңа мектептің құрылысы, жол жөндеу жұмыстары мен көшелердің абаттандырылуы сөз болды.

Оқи отырыңыз: Абайдың 175 жылдық мерейтойы салтанатты түрде ашылды

Қасым-Жомарт Тоқаев Ермак Сәлімовке волонтерлер қозғалысымен бірлесіп, "Семей орманы" аумағында ағаш егу жұмыстарын ұйымдастырып, бұл акцияға жастардың қатысуын қамтамасыз ету қажеттігін айтты.