Түркістан облысында жаңа Сауран ауданы құрылды

Түркістан облысының әкімшілік-аумақтық құрылысын өзгерту туралы тиісті жарлыққа Президент Қасым-Жомарт Тоқаев қол қойды. Қаулыға сәйкес, Түркістан облысының құрамында әкімшілік орталығы Шорнақ ауылы болатын Сауран ауданы пайда болды. Оған Кентау қаласының құрамынан бөлінген Шаға, Жаңа Иқан, Ескі Иқан, Үшқайық, Иассы, Оранғай, Қарашық, Жүйнек, Бабайқорған, Шорнақ, Жібек жолы, Майдантал ауылдық округтері кіреді.

Шорнақ ауылы Түркістан қаласынан солтүстік-батысқа қарай 20 шақырым жерде орналасқан. Қазір бұл елді мекенде 12 мың адам тұрады. Ал бүкіл халық саны 100 мың адамнан асады.

12 ауылдық округтен тұратын Сауран ауданының жалпы ауданы шамамен 650 мың гектарды құрайды. Жаңа ауданды құруға байланысты барлық іс-шараларды жүзеге асырумен арнайы комиссия айналысады.

---

Оқи отырыңыз: Түркістан облысында туристердің баруына ұсынылатын 10 нысан. Фоторепортаж

---

Сауран ауданының құрылуы және аймақтық мемлекеттік органдардың пайда болуы ауылдардың дамуын қамтамасыз етеді деп күтіліп отыр. Ал Кентау қаласы өнеркәсіптік-өндірістік орталық ретінде дамуға жаңа серпін алады.

Жарлық ресми жарияланған күнінен, яғни бүгіннен бастап қолданысқа енгізіледі.