Poparazzi қосымшасы іске қосылған алғашқы күні App Store сервисінде бірінші орынға шықты

Poparazzi командасының мәлімдеуінше, соңғы жылдары әлеуметтік желілерді өңделген, шынайы өмірден әлдеқайда алшақ суреттер басып алған. Оған керемет жазба және пікірлер жазу арқылы әсерінтағы күшейе түседі. Бұл тенденцияға күрес жариялаған Poparazzi қосымшасының бірқатар ерекшелігі бар. Мәселен:

• Суреттерді жариялау алдында өңдеу мүмкін емес.
• Пікірлер жазылмайды, тек қана эмоджи салынады.
• Жазба не хэштег қойылмайды.
• Қолданушылар өзіне жазылған адамдардың санын не суреттердің қанша рет қаралғанын көре алмайды.
• Қолданушының профилі достарының суреттерінен жасақталады.
• Телефонның алдыңғы камерасына қосылу мүмкіндігі жоқ.

Бұл ерекшеліктерді енгізу арқылы қосымшаны әзірлеушілер "қауіпсіз" және шынайы өмірге жақын әлеуметтік желі әзірлеуді мақсат етіп отыр. Әзірге қосымша тек AppStore сервисінде қолжетімді. 

---

Оқи отырыңыз: "IQ Bala": бүлдіршіндерге қазақ тілін үйрететін жаңа мобильді қосымша

---