НЗМ, БИЛ, РФММ емтихандарына дайындық курсына сұраныс жыл сайын артып келе жатыр, дейді осы салаға маманданған орталық өкілі. Айтуынша, бұл – ата-аналардың балаларын жақсы оқу орнында оқытуға, сапалы білім алуына айрықша көңіл бөліп жатқанының белгісі, сапалы білімге деген сұраныстың көрінісі.
Осы ретте informburo.kz тілшісі республикалық Qazbilim орталығы директорының НЗМ, БИЛ мектептеріне дайындық бағытындағы орынбасары Таңат Мұратұлымен сұхбаттасып, аталған мектептерге дайындық барысы туралы түсіндірме әзірледі.
№1. Қай сыныптан бастап дайындалу керек?
Ата-аналар баласын көбінесе 6-сыныптан бастап дайындыққа алып келеді. Алайда дайындықты 5-сыныптан немесе 4-сыныптан да бастаған дұрыс. Баланың маңызды оқу кезеңі 5-сынып екенін ескерсек, осы сыныптан бастап дайындалған дұрыс.
Qazbilim орталығы дайындықты 4-5 сыныптан бастайды.
№2. Қандай емтихандар тапсырады?
НЗМ емтиханы 2 кезеңнен өтеді, 1-кезең Математика, Сандық сипаттама, Жаратылыстану пәндерінен өтеді, 2-кезең Қазақ тілі, Орыс тілі, Ағылшын тілі пәндерінен болады. Екі кезең қатарынан 2 күнде өтеді.
БИЛ емтиханы 2 турдан тұрады: 1-турда Математика, Логика, Қазақ тілі пәндерінен тест тапсырады. 1-турдан өткен оқушы ғана 2-турға жолдама ала алады. 2-турда да тура осы, яғни Математика, Логика, Қазақ тілі пәндерінен тест тапсырады.
РФММ емтиханы 2 кезеңнен өтеді. Бірінші кезеңде FMRT емтихан тапсырып, қажетті ұпай жинағаннан кейін ғана 2-кезең, яғни негізгі кезеңге өтеді.
Негізгі кезеңде Математика және Логика пәндерінен тест тапсырады. Бұл үш емтиханның ұқсастықтары көп, сондықтан оқушылар осы үш мектепке де бірдей дайындала алады.
Оқи отырыңыз: "Алтын белгіге" үміткерлер математика емтиханын Назарбаев мектептерінде тапсырады
№3. Дайындықты неден бастаған дұрыс?
Дайындықты баланың нақты білімін анықтаудан бастаған дұрыс. Осы диагностика арқылы мұғалімдер оқушының осал тұстарын жетілдіріп, бұрын түсінбеген тақырыптарын қайта оқытады.
№4. Дайындық курсын таңдағанда неге мән беру керек?
Дайындық курсын таңдағанда ол курстың оқытушыларына және материалдық базасына, нәтижелеріне мән беру керек. Мысалы Qazbilim орталығының мұғалімдері тек конкурстық іріктеу арқылы таңдалып алынады, сонымен қатар авторлық оқулықтары да бар. Нәтижелерімізге келетін болсақ, бізде жыл бойы толық және 5-сыныптан бастап оқыған оқушылардың 80%-і таңдаған оқу орындары түседі, ал қалған оқушылардің білім деңгейі көтеріліп, дарынды балаларға арналған мектептерге түседі.
Оқи отырыңыз: Аймағамбетов "Жайлы мектеп" ұлттық жобасы туралы: Әлімжеттік мәселесін шешеді
№5. Курстардың орташа бағасы қандай?
Дайындық курстарының нарықтағы бағасы орта есеппен 60-80 мың теңге аралығында болады. Бұл комплекс бағасы, яғни осы бағамен аталған үш мектепке де дайындауға болады. Сонымен қатар, Qazbilim орталығы әр жыл сайын олимпиадалар өткізіліп отырады, 100%, 50%, 30% тағы басқа жеңілдіктер жасалады және орталықтың өзіндік ішкі жеңілдіктері де бар.
