Нұр-Сұлтанда Азия қауымдастығының жеңіл атлетиканы дамытудың аймақтық орталығы құрылады

29 мамыр 2021, 13:21 Айдана Мейрамбайқызы Авторға хат жазу قازاقشا Qaz

Бұл идеяны Азия жеңіл атлетика қауымдастығының басшысы Дахлан Әл-Хамад қолдады.

Нұр-Сұлтанда осы спорт түрінің азиялық қауымдастығы жеңіл атлетиканы дамытудың өңірлік орталығын құрады. Қазақстан жеңіл атлетика федерациясының президенті Даниял Ахметов жұмыс сапарымен Катар астанасы Дохада болды. Азия жеңіл атлетика қауымдастығының жетекшісі Дахлан Аль-Хамадпен кездесу жеңіл атлетикадан беделді "Diamond League" турнирінің кезеңі аясында өтті, деп хабарлайды Olympic.kz.

Тараптар Нұр-Сұлтанда Азия қауымдастығының аймақтық жеңіл атлетиканы дамыту орталығын ашу туралы келісімге келді.

Екінші маңызды мәселе, келесі жылдың ақпан айында Қазақстан астанасында өтетін жабық кешендегі X Азия чемпионатына дайындық барысын талқылау болды.

Сондай-ақ, тараптар Қазақстанның 2024 жылы жеңіл атлетикадан әлем чемпионатын өткізу құқығын алу науқанына қатысу мәселесін қозғады. Кездесу соңында Даниал Ахметов Дахлан Әл-Хамадқа Қазақстандағы нақты инфрақұрылымдық шешімдер туралы айтып берді.

Оқи отырыңыз: Чемпионы көп, спорт мектебі жоқ ауыл