Жарна мөлшері жұмысшы жалақысының 5 пайызын құрайды.
Жұмыс берушінің міндетті зейнетақы жарналарын есептеу және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерін бекіту туралы Үкімет қаулысына өзгеріс енгізілмек. Ол өзгеріс аталған мерзімді 2023 жылдан 2024 жылға шегеруді көздейді.
Қаулы жобасына сәйкес, жұмыс берушінің міндетті зейнетақы жарналарын есептеу объектілері:
- заңды тұлғалар үшін – жалдамалы жұмыскерлердің жұмыс берушінің міндетті зейнетақы жарналарын есептеу үшін қабылданатын ай сайынғы табысы;
- жеке практикамен айналысатын адамдар, сондай-ақ жалдамалы жұмыскерлердің еңбегін пайдаланатын дара кәсіпкерлер үшін – жалдамалы жұмыскердің жұмыс берушінің міндетті зейнетақы жарналарын есептеу үшін қабылданатын ай сайынғы табысы;
- Қазақстанның шет елдердегі мекемелерінде жұмыс істейтін дипломатиялық қызмет персоналы бөлігінде ҚР Сыртқы істер министрлігі үшін – ҚР Сыртқы істер министрлігі орталық аппаратының персоналына теңестірілген лауазымдар бойынша айлықақының 100 пайыздық мөлшері;
- жеке практикамен айналысатын адамдар, сондай-ақ дара кәсіпкерлер үшін – жұмыс берушінің міндетті зейнетақы жарналарын өзі алатын табыстан өз пайдасына есептеу болып табылады.
Оқи отырыңыз:
- Құрметті демалысқа шыққандардың зейнетақысы қалай есептеледі?
- Соңғы 5 жылдың әрбірінде қазақстандықтардың зейнетақы аударымдары 15,5% өсіп отыр
Қаулы жобасы 2 желтоқсанға дейін қоғам талқысында болады.
