Астана қаласы әкімдігінің мәліметінше, 31 желтоқсан күні сағат 21:00-ден 02:00-ге дейін астананың қалалық алаңында, "Қазақ елі" монументі мен ЭКСПО алаңында қазақстандық эстрада жұлдыздарының қатысуымен қала тұрғындары мен қонақтары үшін "Жаңа жыл түні" атты жаңа жылдық мерекелік концерттер өтеді.
"Іс-шараға отандық эстрада жұлдыздары Qanay, Әли Оқапов, Ayree, Маржан Арапбаева, Ильхан Ихсан, Кенжебек Жанабілов, Диана Исмаил, Аука, Еркеш Хасен, Серік Ибрагимов, Әлішер Кәрімов, "Килиманджаро" тобы, Алмас Кішкенбаев, Бейбіт Қорған және басқа да көптеген әртістер қатысады", – деп жазылған хабарламада.
Сағат 23:45-те ЭКСПО алаңынан "Jibek Joly" телеарнасы тікелей эфирге шығады. Тікелей эфирде Қазақстан Республикасының Президенті Қасым-Жомарт Тоқаевтың жаңа жылдық құттықтауы көрсетіледі және мерекелік бағдарлама болады.
Оқи отырыңыз: Шыршаны заңсыз кескендер 10 жылға дейін бас бостандығынан айырылуы мүмкін – ІІМ
Сонымен қатар, 31 желтоқсанда Астанада жүгіруден жаппай жарыс өтеді. Қатысушылар 2024 метр қашықтықты еңсеруді жоспарлап отыр. Басталуы сағат 21.00-де. Жарысқа қатысуға старт пакеттері 31 желтоқсан сағат 20.30-дан бастап беріледі.
