WBO Бүкіләлемдік бокс ұйымы орта салмақтағы уақытша әлем чемпионы атағы үшін Жәнібек Әлімханұлы мен Хайме Мунгия арасында міндетті жекпе-жек өтуі тиіс екенін жария етті.
WBO шешіміне сәйкес, Жәнібек Әлімханұлы мен мексикалық боксшы Хайме Мунгия келісімге келсе, орта салмақта уақытша әлем чепмионы атағы үшін жұдырықтасады.
Оқи отырыңыз:
- Жәнібек Әлімханұлы: "Бокс маған кәсіп емес, ол – менің өмірім"
- Жәнібек Әлімханұлы және қазақстандық тағы үш боксшының бейнесі PlayStation бокс ойынында қолданылады
Екі тарап 10 күн ішінде келісімге келуі керек. Келісім болмаса, жекпе-жек WBO ережесіне сәйкес бәс саудаға салынып, ең төменгі сома 200 мың доллар көлемінде белгіленеді.
WBO ұйымы міндетті жекпе-жек туралы хабарламаны екі боксшының промоутерлеріне ескерткен. Айта кетейік, Жәнібек WBO Global титулы иегері, атақты промоутер Боб Арумның Топ Ранк компаниясымен келісімшарты бар. Ал орта салмаққа жақында ауысқан Golden Boy промоутерлік компаниясының боксшысы Хайме Мунгия WBO Inter-Continental титулының иегері.
