eSports Boxing Club (ESBC) бокс симуляторын дамыту бойынша директор Тодд Гришем ойында үш қазақстандық боксшы пайда болатынын мәлімдеді. Бұл туралы Vesti.kz хабарлады. Ақпаратты Janibek Alimhanuly Team PR менеджері Берік Сұлтан да растады.
Ойын жұлдыздарының қатарында Жәнібек Әлімханұлы (10-0, 6 КО), Мадияр Әшкеев (14-1, 7 КО) және Бекзад Нұрдәулетов (2-0) бар. Осыған дейін ойында тағы бір қазақстандық Садриддин Ахмедов (12-0, 10 КО) пайда болады деп хабарланған болатын.
Ойын әзірлеушілері бокс туралы ең үздік ойын жасауды көздеген. Алғашқы үш тесттен кейін өнім жоғары баға алған және ойын авторлары Бүкіләлемдік бокс үйымымен WBO серіктестік орната алған. Олар боксшы, бапкер, катмен, промоутер, бренд, желілер үшін 230-дан астам лцензия алған. Оның ішінде 100 астам әлем чемпионы бар екенін айта кету керек.
Ойында Мұхаммед Али, Рокки Марчиано, Флойд Паттерсон, Сауль Альварес, ағайынды Кличко және басқа да танымал боксшылар бар. Тізімге кейінірек Геннадий Головкин де қосылуы мүмкін.
eSports Boxing Club боксшыларымен осы жерде танысуға болады.
eSports Boxing Club қашан шығатыны әзірге белгісіз. Ойын Xbox One, Xbox Series, Playstation 4, Playstation 5 және PC-де шығады деп жоспарланып отыр.
