Тікелей эфир

Жаңадан құрылған облыс тұрғындарына қайта тіркелудің қажеті жоқ

Вице-министр қандай жағдайда қайта тіркеу қажет болатынын түсіндірді.

Жаңадан құрылатын облыс тұрғындарына жаңа мекенжайы бойынша қайта тіркелудің қажеті жоқ. Бұл туралы ҚР ұлттық экономика министрі Әлібек Қуантыров хабарлады. 

Министр журналистің "Кәсіпорын фактіге сәйкес, басқа облыста, ал ескіше Алматы облысында болды делік. Бұл кезде де қайта тіркелудің қажеті жоқ па?" деген сұрағына "Өте қалыпты болатын еді" деп жауап берді. 

"Қателеспесем, бұл бұйрықта да солай жазылған", – деп қосты министр. 


Оқи отырыңыз: 19 – 14 – 17. Қазақстан облыстарының тарихына шолу


ҚР ұлттық экономика вице-министрі Бауыржан Омарбеков қандай жағдайда қайта тіркелу қажет болатынын түсіндірді. 

"Егер басқа территорияға көшкен болса, онда жаңа мекенжай беріледі. Мұнымен қатар, азамат құжатын жоғалтып, жаңа құжат жасатқан кезде жаңа мекенжай беріледі. Ал бар құжаттарды өзгертудің, қандай да бір қайта тіркеуден өтудің қажеті жоқ", – деді Бауыржан Омарбеков. 

Министрдің айтуынша, осыған ұқсас жағдай елорда атауын өзгерткен кезде болған. 


Оқи отырыңыз: ЕҰУ басшысы: Білікті тарихшыларға Тәуелсіздік алғаннан бері зәруміз


 

"Бұл астана атауын өзгертумен ұқсас жағдай. Ол кезде Астанада тіркелген бизнестерді қайтадан Нұр-Сұлтан қаласына тіркеудің қажеті болмады. Ал кей тіркеуге байланысты қиындықтар – техникалық мәселелер деп ойлаймын. Оларды да реттеуге болады", – деді Әлібек Қуантыров. 

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары