Жамбыл облысында жол апаты болды: 10 адам зардап шекті, оның алтауы – балалар

17 желтоқсан 2025, 16:00 Жазира Пірімқұл Авторға хат жазу قازاقشا Qaz

Желілік полиция бөлімінің қызметкерлері акті бойынша шетелдік төрт азаматты түсірді.

Жамбыл облысы Жуалы ауданында Алматы–Ташкент автожолының 570-шақырымында екі жеңіл автокөлік соқтығысты. Бұл туралы Төтенше жағдайлар министрлігі хабарлады.

Жол-көлік оқиғасы кезінде екі көліктің ішінде жалпы саны 10 адам болған, олардың алтауы – балалар. Апат орнына Жуалы ауданының құтқарушылары жедел түрде жеткен. Құтқарушылар зардап шеккендерді қысылып қалған автокөліктерден шығарып, жедел жәрдем келгенге дейін алғашқы медициналық және психологиялық көмек көрсетті.

Оқи отырыңыз: Батыс Қазақстан облысында жол апатынан үш адам қаза тапты

ТЖМ мәліметінше, екі адамды медицина қызметкерлері аудандық ауруханаға жеткізсе, қалған зардап шеккендерді құтқарушылар емдеу мекемесіне апарған. Қазіргі уақытта жол апатының мән-жайы анықталып жатыр.