Ыстанбұл мен Кутаисиге билет – 25 мың теңгеден: Отандық лоукостер тағы да жеңілдік жариялады

FlyArystan әуе компаниясы халықаралық және Қазақстан ішіндегі рейстерге тағы да жеңілдік жариялады. Мұндай билеттерді 8-11 шілде аралығында сатып алуға болады. Бірақ, саяхат мерзімі 2025 жылдың 8 қыркүйегі мен 21 желтоқсан аралығында болуы тиіс. 

Науқан аясында Қазақстан ішіндегі рейстерге билет құны 7 000 теңгеден, ал халықаралық бағыттар бойынша 25 000 теңгеден басталады. 

"Жеңілдікпен ұсынылған тарифке салмағы 5 кг-нан аспайтын бір дана қолжүгі (өлшемдері – 56×23×36 см) және борттағы кездейсоқ орын кіреді. FlyArystan сапарларды барынша қолжетімді ету мақсатында әуебилеттерге тұрақты түрде түрлі жеңілдіктер ұсынады", – делінген хабарламада. 

Еске салайық, FlyArystan әуе компаниясы халықаралық бағытта Бішкек, Тамшы, Ташкент, Инин, Үрімжі, Баку, Кутаиси, Ыстанбұл қалаларына жолаушы тасымалдайды.