Halalfocus.com порталының жазуынша, әлемде мұсылмандарға бағдарланған туристік қызметтердің артуына байланысты әлемде халал туризмнің дамуы серпін алып отыр. 2026 жылы туризмнің бұл секторының нарықтық құны 15 пайызға артып, 280 миллиард долларды құраған.
Ал мұсылман саяхатшылардың саны 160 миллионға жетті деген дерек бар. Дегенмен, бұл көрсеткіш халал туристік қызметтерді пайдаланған туристердің саны бойынша есептелгенін ескеру керек.
Порталдың жазуынша, мұсылмандар туристік мақсатта жиі баратын елдер қатарына Индонезия, Малайзия, Біріккен Араб Әмірліктері, Түркия және Сауд Арабиясы жатады. Бұл елдерде мейрамханалар мен қонақүйлердің басым бөлігі халал сертификатымен жұмыс істейтін болса, әлемнің басқа елдерінде де халал қызмет көрсетуге бейімделіп жатқан кәсіпкерлер қатары көбейген. Мәселен, оңтүстік Корея, Жапония секілді халқының басым бөлігі мұсылман болып табылмайтын елдерде де халал туристік қызмет көрсететін кәсіпкерлердің саны арта түскен.
Мамандардың болжамынша, 2028 жылға қарай халал туризмнің орташа табысы 350 миллиард долларға дейін жетуі мүмкін.
ҚМДБ беретін халал сертификаттарына сенуге бола ма?
Әлемде халал индустрияның дамуы мұсылман емес елдерде де қарқын алды