Прямой эфир Новости спорта

Үндістанда Абай Құнанбаевтың бюсті ашылды

Бюст Нью-Дели қаласындағы Сан Мартин Парк скверінде орнатылған.

Үндістанның Нью-Дели қаласындағы Сан Мартин Парк скверінде қазақтың ұлы ойшылы Абай Құнанбаев бюсті ашылды.

Салтанатты рәсімге қатысқан ҚР премьер-министрінің орынбасары – сауда және интеграция министрі Бақыт Сұлтанов Махатма Гандидің туған жеріне қазақ ағартушысының бюстін орнату терең символдық мәнге ие екенін атап өтті. Оның айтуынша, Абай мен Ганди идеялары бір-бірімен тығыз байланысты.

"Абай – ұлы ақын ғана емес, кемеңгер ойшыл, әйгілі ағартушы. Ол жұртты ғылым игеруге, білімдар болуға үндеді. Жаңашылдық пен жасампаздықты дәріптеді. Абай мұрасы – біздің елімізге ғана емес, барша адамзатқа ортақ құндылық", – деді Бақыт Сұлтанов.


Оқи отырыңыз: Украинаның Харьков қаласында Абайға ескерткіш орнатылды


Нью-Дели қаласында Абай бюстінің ашылуына арналған салтанатты іс-шара Қазақстан Республикасы делегациясының Үндістанға сапары шеңберінде өтті.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары