Ұлытау облысының прокуратурасы 223 миллион теңге бюджет қаражатын ұрлау фактісі бойынша іс қозғады, деп хабарлады қадағалау органы.
Облыстық прокуратура Жезқазған қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінің қызметін тексеру барысында қаладағы жылу желілерін қайта жаңғырту және жаңғырту кезінде сеніп тапсырылған мүліктің айтарлықтай ұрланғанын анықтады.
"2021 жылы тұрғын үй-коммуналдық шаруашылық бөлімінің лауазымды тұлғалары қымбаттатылған құрылыс жұмыстарын бекітіп, нәтижесінде бюджеттен 223 миллион теңгеден астам шығын негізсіз өндірген", – деп хабарлады прокуратура.
Оқи отырыңыз: Қосшыда 190 миллион теңгені жымқырған шенеуніктер сотталды
Осы факті бойынша облыс прокуратурасы ҚР Қылмыстық кодекстің 189-бабы "сеніп тапсырылған бөтен мүлікті иеленіп алу немесе жымқыру" фактісі бойынша сотқа дейінгі іс қозғады. Тергеу сыбайлас жемқорлыққа қарсы іс-қимыл агенттігінің аумақтық департаментіне жүктелді.
