Бүгін Жезқазған және Сәтбаев қалаларында жаңа тұрғын үйлердің іргетасын қалау рәсімі өтті, деп хабарлады Ұлытау облысы әкімдігінің баспасөз қызметі.
Аталған нысандардың құрылысын "QazaqStroy" компаниясы жүзеге асырады. Жаңа тұрғын үй кешендері қалалардың қолданыстағы инфрақұрылымымен үйлесімді ықпалдастырылып, іргелес аумақтар кешенді түрде абаттандырылады.
Жезқазған қаласында жалпы 240 пәтерге арналған бес қабатты жеті тұрғын үй салынады. Оның бесеуі екі кіреберісті, екеуі бір кіреберісті болады. Барлық үйлер жертөле бөлмелерімен жабдықталады.
Сәтбаев қаласында 60 пәтерлі бес қабатты тұрғын үй бой көтереді. Жоба аясында аула аумағын абаттандыру, балаларға арналған ойын және спорт алаңдарын, автотұрақтар мен демалыс орындарын, сондай-ақ көгалдандырылған аумақтарды ұйымдастыру көзделген.
Тұрғын үйлерді жобалау барысында қауіпсіздік талаптарына, энергия тиімділігіне және тұрғындар үшін қолайлы жағдай жасауға ерекше мән берілді.
Жаңа нысандарды пайдалануға беру 2027 жылға жоспарланған.
Қазақмыс пен Ұлытау облысы әкімдігі Жезқазғанның спорт инфрақұрылымын дамыту туралы келісімге қол қойды
Ұлытау облысы Қазақстан өңірлері арасында халықтың табысы бойынша екінші орынға ие болды