Ұлттық қордан алынатын қаржы 2023 жылы 1,4 трлн теңгеге азаяды

Ұлттық экономика министрлігінің алдында экономиканы әртараптандыру міндеті тұр.

Ұлттық қордан республикалық бюджетке трансферт көлемі 1,4 трлн теңгеге азаяды. Бұл туралы Ұлттық экономика министрі Әлібек Қуантыров Сенат кулуарында айтты.

"Жалпы Ұлттық қордан республикаға баратын кепілдендірілген трансфер және басқа да трансферлер келесі жылы 1,4 трлн теңгеге азаяды. Біздің негізгі мақсатымыз – мұнай емес бюджеттік тапшылықты төмендету", – деді министр.

Әлібек Қуантыров бұл үшін министрлік алдында экономиканы әртараптандыру, салық базасын кеңейту міндеті тұрғанын айтты.


Оқи отырыңыз: "Министр болуды емес, Гарвардқа түсуді тіледім". Экономика министрімен диалог


"Биыл республикалық бюджетті қалыптастыру кезінде тиісті екі бюджеттік жаңа ереже пайдаланатын болды. Олардың негізгі мәні – трансферттердің көлемін шегеріп, кейін барлық республикалық бюджеттің де шегін қойып, экономикалық өсудің соңғы он жылда орташа деңгейін аспау керек. Жалпы, осындай құралдармен біз тиісті саясатты жүргізетін боламыз. Ал Ұлттық қордан трасферттер көлемі азаяды", – деді министр.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары