"Министр болуды емес, Гарвардқа түсуді тіледім". Экономика министрімен диалог

Әлібек Қуантыров журналистерге өз отбасының мерекелік дәстүрі туралы айтып берді.

Журналистер Сенат кулуарында ұлттық экономика министрі Әлібек Қуантыровтан Жаңа жылды қалай, қайда атап өтетіні және қандай сыйлық алғысы келетінін сұрады.

– Министр мырза, Жаңа жылға қандай ерекше сыйлық алғыңыз келеді?

– Бірегей кітап алғым келеді. Автордың қолтаңбасымен.

– Мысалы?

– Классикадан, соның ішінде авторы қайтыс болып кеткен классикалық кітапты түпнұсқа қолтаңбасымен алғым келеді.

– Жаңа жылды қалай атап өтуді жоспарлап отырсыз?

– Отбасыммен, үйде.

– Астанада ма?

– Астанада.


Оқи отырыңыз: Қуантыров: Теңгенің құнсыздануы біздің экспорттаушыларға тиімді


– Жаңа жыл қарсаңында чек қаншалықты қымбатқа шықты? 

– Тағы да сол сіздер менен сұрай беретін мандариндердің бағасына байланысты 10 пайыз шамасында қымбаттады. Маусымдық баға әсер етеді. 

– Теңгемен айтқанда...

– Теңгемен айтқанда айына 250 мың шықса, шамамен 25-30 мың теңгеге қымбаттады.

– Жаңа жылда жасайтын отбасылық дәстүріңіз бар ма?

– Тілек тілеу. Оларды жазып, топырақ салынған құтыға көму, келесі жылы ашып қарау.

– Сіз министр болу туралы тілеген бе едіңіз?

– Жоқ, министр болуды тілемедім. Есесіне, басқа тілектерім орындалды. Атап айтқанда, Гарвардқа оқуға түсуді тілегенмін. Түстім, бірақ оқуға кетпедім. Биыл мені (министр етіп – ред.) тағайындады.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары