ҰБТ-ға фитнес білезік пен смарт көзілдірік тағып баруға тыйым салынбақ

Рұқсат етілмейтін заттар тізіміне, сондай-ақ диктофон мен А4 форматындағы қағаз да қосылады.

Оқу-ағарту министрлігі ұлттық бірыңғай тестілеуді өткізу қағидаларына бірқатар өзгертулер енгізуді жоспарлап отыр. Олардың жобасы Ашық НҚА порталында жарияланды. 

Жобаға сәйкес, ҰБТ өтетін ғимаратқа алып кіруге болмайтын заттар тізімі кеңейеді. Атап айтқанда, бұл қатарды смарт көзілдірік, фитнес білезік (трекер), диктофон және А4 форматындағы қағаздар толықтырады. 

Еске салайық, бұған дейінгі тізімде пейджер, ұялы телефон, планшет, iPad, iPod, смартфон, ноутбук, плейер, модем (мобильді роутер), радио-электрондық байланыстың барлық түрі (Wi-Fi, Bluetooth, Dect, 3G, 4G, 5G), смарт сағат, калькулятор, құлаққап, шпаргалка, оқу-әдістемелік әдебиеттер болған. 

Тестілеуге кіргізу барысында жоғарыда аталған заттар табылса, үміткер тестілеуге жіберілмейді.


Оқи отырыңыз: 


Құжат жобасында ҰБТ тест тапсырмаларының саны да нақтыланған. Орта, техникалық және кәсіптік немесе орта білімнен кейінгі білім беру ұйымдарының бітірушілері үшін ҰБТ тест тапсырмаларының саны:

  • Қазақстан тарихы бойынша – 20 (бұрын – 15);
  • математикалық сауаттылық бойынша – 15;
  • оқу сауаттылығы (оқу тілі) бойынша – 15 (бұрын – 20);
  • бірінші бейіндік пән бойынша – 35;
  • екінші бейіндік пән бойынша – 35.

Құжат жобасы 18 қаңтарға дейін қоғам талқысына ұсынылған. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Бөлісу:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары