Төтенше жағдайлар министрлігі ауа райының қолайсыздығына байланысты қазақстандықтарды қауіпсіздік шараларын сақтауға шақырды. Бұл туралы ведомствоның баспасөз қызметі хабарлады.
"Қазгидромет" РМК-ның мәліметінше, 15-16 ақпанда республиканың басым бөлігінде қарлы боран, ауа температурасының 30-38 градусқа дейін күрт төмендеуі, желдің күшеюі және көктайғақ күтіледі. Осыған байланысты Төтенше жағдайлар министрлігі азаматтарға келесі қауіпсіздік шараларын қатаң түрде сақтауды ұсынады:
- Дауылды ескерту жарияланған кезде, әсіресе қараңғыда ұзақ жол жүруден және жаяу жүруден бас тарту керек.
- Ауа райы жағдайлары және жолдардағы көлік қозғалысына шектеулер туралы ақпаратты бақылау қажет.
- Қатты жел болған жағдайда жақын жердегі ғимаратқа немесе ық болатын жерді паналаңыз. Ағаштардан, құрылыстардан, электр желілерінен және билбордтардан аулақ болыңыз.
- Балаларды қараусыз қалдырмаңыз.
Қатты аяз техногендік өрттер санының артуына ықпал етуі мүмкін. Министрлік пештерді қыздырмауға және қуатты электр құрылғыларын бір уақытта қосу арқылы электр желілерін шамадан тыс жүктемеуге кеңес береді. Көлік иелері көліктерін ашық отпен жылытқанда абай болғаны жөн.
Оқи отырыңыз: Қазақстанда күн аяз болады: оңтүстікте ауа температурасы 30 градусқа дейін төмендейді
Барлық оқиғалар бойынша Төтенше жағдайлар министрлігіне 112 немесе 101 телефондары арқылы хабарласуға болады.
