Тікелей эфир

Түркиядағы жойқын зілзаладан қаза тапқандар саны 3 мыңға жуықтады

16 мыңға жуық адам жарақат алған.

Түркияда 7 күндік аза тұту күні жарияланды, деп хабарлады "Анадолу" ақпарат агенттігі.

Түркия төтенше жағдайлар басқармасының (AFAD) басшысы Юнус Сезардың мәлімдеуінше, зілзаладан 2921 адам қаза болған. Ал 15 834 адам түрлі деңгейде жарақат алған.

Фото: "Анадолу" АА

Бұған дейін Түркия вице-президенті Фуат Октай үй қирандыларының астынан 7 840 адам құтқарылғанын мәлімдеген болатын. 338 мың адам жатақхана мен университеттерге уақытша орналастырылған.

Мемлекет басшысы Режеп Тайып Ердоған елде 7 күнге созылатын аза тұту күнін жариялады.

Еске салайық, AFAD мәліметінше, Түркияның оңтүстік-шығысында бір тәулікте 7,7 және 7,6 балдық екі жойқын зілзала болды.


Оқи отырыңыз: Түркия мен Сириядағы жер сілкінісінен қаза тапқандар саны 1300 адамнан асты


 

Біздің Telegram-каналдағы ең көп оқылған жаңалықтар
Серіктестер жаңалықтары