Ол арқылы әлеуметтік желідегі рецептпен дайындалған тамақтарды алдыруға болады.
TikTok әлеуметтік желісі TikTok Kitchen атты тамақ жеткізу қызметін іске қосты. Бұл үшін ол Virtual Dining Concepts брендімен бірлескен.
Naryk.kz жазуынша, ол арқылы тек әлеуметтік желідегі рецептпен дайындалған тамақтарды ғана алдыруға болады. Қызмет 2022 жылдың наурыз айынан бастап іске қосылады.
Оқи отырыңыз: TikTok қандай тәрбие береді?
Алғашқы уақытта АҚШ бойынша TikTok Kitchen-нің 300 орнын ашу жоспарланған. Тамақтың бағасы Virtual Dining Concepts брендінің тамақтарымен шамалас болмақ. Жоспар бойынша, ас мәзірі тоқсан сайын жаңарып отырады. Одан түскен табыс аспаздықпен айналысатын тиктокерлерді қолдауға жұмсалады.
