Таразда жазушы Несіпбек Дәутайұлының мемориалды мұражайы ашылады

Несіпбек Дәутайұлы биыл 29 тамызда өмірден өткен болатын.

Ақын Маралтай Райымбекұлы Қазақстанның еңбек сіңірген қайраткері, Құрмет орденінің иегері, жазушы Несіпбек Дәутайұлының мемориалды мұражайы ашылатынын хабарлады. Мұндай ұсыныспен облыс басшылығына Қазақстан Жазушылар одағы шыққан болатын.

"Тараз шаһарының жүрегі Шаxристандағы Шерxан Мұртаза ағамыздың мұражайының қатарынан ардақты Несіпбек ағамыздың да мұражайы орын тебетін болды", – деп жазды Маралтай Райымбекұлы.

Сондай-ақ, қалада жазушының ескерткішін орнатуға ұсыныс айтылды.

Несіпбек Дәутайұлы ұзақ жылдар "Жамбыл" әдеби-көпшілік журналының бас редакторы, Қазақстан Жазушылар одағының Жамбыл облыстық филиалының директоры қызметтерін атқарды. Жазушы "Ақ көгершін", "Алма ағашының бұтағы", "Әнім сен едің" повестері, "Құдірет пен қасірет" романы арқылы танымал. Оның "Көгілдір көйлекті келіншек", "Ойынды еті он бөлек" кітаптары, екі томдық шығармалар жинағы жарық көрген.

Поделиться:

informburo.kz в TikTok:

присоединитесь к сообществу крупнейшего новостного канала в Казахстане

Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары