Кадрлардың бірінен полицейдің жарақаттанған аяғына қарамастан үй тұрғындарын эвакуациялауды жалғастырғанын көруге болады. Бұл туралы Polisia.kz жазды.
Белгілі болғандай, өрт шыққан пәтерде кәмелетке толмаған бес бала мен олардың анасы болған. Тұрғын үйден барлығы 60 адам эвакуацияланды.
2024 жылдың 13 мамырына қараған түні полиция департаментінің кезекші бөліміне қоңырау шалған әйел адам көрші пәтерде өрт басталғанын мазасыздана хабарлаған. Көрсетілген мекенжай бойынша жақын маңдағы патруль жасағы кідіртпей жіберілді. Оқиға орнына бірінші болып келген полиция қызметкерлері қызметтік көліктерден өрт сөндіргіш құралдарды алып, өртке оранған пәтерге жүгірді.
Полицейлер өрт ошағын жойып, әйелді және оның бес кәмелетке толмаған баласын өрттен алып шықты. Олардың ең кішісі небәрі 2 жаста. Бұдан әрі полиция қызметкерлері жарылысты болдырмау үшін пәтердегі газды жауып, осы үйдің кіреберіс пәтерлеріндегі адамдарды эвакуациялады.
Оқи отырыңыз: Астанада өрт сөндірушілер көпқабатты үйде болған өрттен 7 адамды құтқарды
Пәтер иесі Тараз қаласы ПБ ППБ взводының командирі Нұрғиса Төленге, аға инспектор Самат Бошқаевқа, инспекторлар Елжас Болатқа, Әділет Тойжігіт пен Дидар Нәбиевке балаларының өмірін сақтап қалғаны үшін өз алғысын білдірді.
