Астаналық өрт сөндірушілер көпқабатты үйдегі пәтерде болған өрттен 7 адамды құтқарды. Бұл туралы Төтенше жзағдайлар департаментінің баспасөз қызметі хабарлады.
"9 қаңтар күні сағат 9:58-де Астана қаласы ТЖД өрт сөндіру бөлімшелері Қабанбай батыр даңғылы, 59 мекенжайындағы пәтердегі өрт туралы хабарлама бойынша оқиға орнына барды. Онда «Будапешт» тұрғын үй кешенінің 10 қабатындағы пәтердің ас үй бөлмесінде жиһаз бен үй заттары жанғаны анықталды. Оқиғаға Астана қаласы ТЖД жеке құрамының 28 адамы мен 7 дана техникасы жұмылдырылды", – деп жазылған баспасөз қызметінде.
Олар көрші пәтерден 7 адамды, оның ішінде 3 баланы құтқарды. Өрт сағат 10.32-де ауыздықталып, сағат 10.35-те толық сөндірілді.
Оқи отырыңыз: Үй өртенді: Қостанай тұрғыны қала әкімінен 14 миллионға жуық теңге өндіріп алды
"Құтқарушылар өрт сөндіру техникасы үшін жолдың жабылуы, жеке автокөліктердің көптеп тұраққа қойылуы мәселелеріне тап болды. Осыған байланысты ТЖД автокөліктерді кірме жолдарда қалдырмауды, тұрақ немесе тұрақ үшін орын таңдауды, арнайы техниканың өтуі үшін бос орын қалдыруды ескертеді", – деп жазылған хабарламада.
