"Сыналдық, бірақ сынбадық". Жәнібек Әлімханұлы әлем чемпионы титулынан айырылған соң пікір білдірді

Жәнібек Әлімханұлы International Boxing Federation (IBF) нұсқасы бойынша чемпиондық белбеуінен айырылған соң әлеуметтік жазбада өз пікірін білдірді.

"Сыналдық, бірақ сынбадық! Керісінше, шыңдалдық! Шешімдер шықты, IBF кетті, WBO қалды. Қалай болғанда да қазір мен WBO нұсқасы бойынша орта салмақта әлем чемпионымын! 1 титул сақталды! Аллаға шүкір! Бұйыртса 8 айдан соң рингке шығамын! Үлкен жорық жалғасады. Құдай жаратқан төбені кетпен шауып біте алмайды! Құдай жаққан отты адам үрлеп өшіре алмайды! Біз әлі аяқтамадық, меніңше бәрі енді басталатын сияқты", – деді Жәнібек Әлімханұлы.

Ол өзінің бұрын да, қазір де допингке қарсы екенін тағы бір мәрте мәлімдеді. 

"Мен допингке қарсымын! Мұны бұрын да айтқанмын, қазір де айтамын! Өткен нәрсе өтті, біткен нәрсе бітті! Талқылай бергеннен, уайымдай бергеннен тағдыр өзгермейді. Ең бастысы ел менің кім екенімді, қандай боксшы екенімді жақсы біледі! Кәсіпқой бокс біреулер үшін спорт болса, кейбіреулер үшін тек бизнес! Біз спорт жағындамыз! Біз қазақылық бағытындамыз", – деп жазды ол.