Шымкентте салынған веложол 5 айда жарамсыз болып қалған

Қала әкімдігі кінәні жауын-шашынға артып отыр.

Шымкентте 1,5 миллиард теңгеге салынып, 2021 жылдың күзінде пайдалануға берілген жаңа веложол бүгінде астаң-кестеңі шығып, жарамсыз күйге түскен. Көп тұсы опырылып, экстремалды спорт алаңын елестетеді, деп хабарлады 31 арнаның Информбюро ақпараттық бағдарламасы.

Қараша айында қолданысқа берілген веложолдың ұзындығы 2,2 шақырым. Жалпы жобаға 1,6 миллиард теңге жұмсалған. Бұл қаржыға төрт жолақты асфальт жол, жарық, веложол мен жаяу жүргінші жолы кіреді. Шымкент қаласы әкімдігінің мамандары жол салар алдында жер қабатының тығыздығы талапқа сай болғанын айтады. Қабылдап алу барысында да сын-ескертпе болмаған. Алайда веложол салу барысында кәріз жүйесінің құрылысы қабаттасқанын мойындап отыр.

"Бізге 3 жылдық кепіл хат ұсынған. Қайтадан отырулар пайда болатын болса, бетіндегі асфальт қабаты болсын, өрнек тастар болсын, бәрін өзіміз қалпына келтіріп береміз деген", – дейді Шымкент қаласы Жолаушылар көлігі және автомобиль жолдары басқармасының бөлім басшысы Нұрбол Лесов.

Жол құрылысымен қабаттасқан кәріз жүйесін тартуға қалалық әкімдіктің жауапты басқармасы кешеуілдетуге болмайтын құрылыс болғандықтан рұқсат бергенін айтады. Сондықтан, бәріне кінәлі мердігер емес, толассыз жауын-шашын деп отыр.


Оқи отырыңыз: Үшінші мегаполис. Инвестиция және кәсіпкерлікті қолдау өңір дамуына қалай әсер етеді?


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары