Сыйақы ма, әлде корпоратив пе? Қазақтар қайсын таңдайды?

Қазақстандықтар корпоративті мекереден гөрі ақшалай сыйақы алғанды тәуір көреді, деп хабарлады naryk.kz HeadHunter Қазақстан компаниясының сайттағы мәліметтерге жасаған талдауына сүйене отырып. 

2020 жылы көп компания жаңа жылдық корпоратив жасаудан бас тартты. Биыл сауалнамаға қатысушылардың 46%-ы корпоратив болатынын айтқан. Қалған 54%-ы әзірге белгісіз екенін жеткізді. 

Корпоративтен бас тартқан компаниялардың 77%-ы эпидемиологиялық ахуалға байланысты бас тартқанын айтса, 19% бюджеттің жоқтығын алға тартқан.

---

Оқи отырыңыз: Бағалы қағаз сатып алу арқылы қалай пайда табуға болады?

---

14% компания корпоративті онлайн өткізбек. 73%-ы дәстүрлі түрде өткізеді. Корпоратив өткізетін компаниялардың 62%-ы толығымен компания бюджетінен төлесе, 24%-ы бір бөлігін компания, бір бөлігін жұмыскерлер өздері төлейтінін айтты. 14%-ы толығымен жұмыскерлеріне төлетпек.

Сауалнамаға қатысқан жұмыскерлердің 48%-ы корпоративтен ешқашан қалмайтынын, 35%–ы кейде баратынын, 17%–ы мүлде қатыспайтынын айтқан. Сауалнамаға қатысушы жұмыскерлердің 78%-ы корпоративке кеткен ақшаны сыйақы ретінде бергенін қалайды.